Венецуела го повлекува највисокиот дипломатски претставник во САД

Венецуелскиот претседател Николас Мадуро соопшти дека ќе отповикува највисокиот венецуелски дипломат во САД како знак на протест поради одлука на Вашингтон да обнови указ со кој се воведуваат санкции за неколку високи венецуелски претставници.

САД и Венецуела не размениле амбсадори од 2010 година. Актуелниот вршител на должност амбасадор на Венецуела во Вашингтон е Максимилиен Санчез Арвелаис.

– Не прифаќаме агресии и казни, изјави Мадуро во телевизиско обраќање.

Во март 2015 година претседателот на САД Барак Обама воведе санкции за седум венецуелски претставници обвинети за непочитување на човекови права и корупција. Обама вчера испратил писмо до двата дома на Конгресот во кое вели дека санкциите ќе бидат продолжени бидејќи ситуацијата во Венецуела не е подобрена.