Виљареал убедлив во дуелот против Спортинг Хихон

Екипата на Виљареал на домашен терен славеше убедлива победа од 3-1  против Спортинг Хихо, во првиот натпревар од 35.коло на шпанската Примера, 

 

Домаќините поведоа со голот на Солдадо (33.минута), а во продолжение следуваа уште два на Седрик Бакамбу (47 и 59). Поразот на Хихон го ублажи, Даглас Переира со голот во 73.минута. 

 

Со новите три бода популарната „ќолта подморница“ остана во игра за место во Лига Европа, додека тимот на Спортинг Хихон по поразот е се поблиску до напуштање на Примера. 

 

Денеска на програмата се четири средби. Во Мадрид, Реал ја пречекува Валенсија, а во градското дерби во Барселона улогата на домаќин ќе ја има Еспањол. 

 

Во другите две средби ќе играат, Сосиедад – Гранада и Лас Палмас - Атлетико Мадрид. 

 

За утре закажани се средбите: Осасуна - Депортиво Ла Коруња, Бетис – Алавез, Еибар – Леганес и Селта Виго - Атлетик Билбао, а колото ќе биде комплетирано во понеделник со мечот Малага – Севиља.

 

Табела: Барселона 78 бодови, Реал Мадрид 78, Атлетико Мадрид 68, Севиља 65, Виљареал 63, Атлетик Билбао 59, Сосиедад 58,...