ВМРО-ДПМНЕ: Министерството за култура продолжува со нестручно работење и партизација на културата
ВМРО-ДПМНЕ денеска обвини дека Министерството за култура продолжува со нестручното работење и партизација на културата во Македонија.
Марјан Додовски на прес-конференција денеска рече дека партискиот реваншизам и политиките на чистки се подигнуваат на едно сосема ново ниво. - Покрај, како што истакна, живите луѓе кои најавија дека ќе ги јадат, сега решија да се пресметуваат и со неживите, односно со спомениците.
Тој додаде дека во новоназначениот Совет за култура министерот Алаѓозовски поставил изразито партиски и соросови кадри чија единствена цел ќе е да ги промовираат личните фрустрации на поединци како научно мислење на стручните фели.
- Од советот во кој членуваат луѓе како Ѓунер Исмаил, Владимир Милчин, Мирослав Грчев не може да се очекува ништо повеќе од опасните и штетни агресивни најави и закани дека спомениците на културата ќе бидат „новата суровина за металуршката индустрија“, рече Додовски.
Посочувајќи на изјави дадени од членовите на новиот Совет рече дека во македонската култура нема и не смее да има простор за варваризам.
Ги посочи за споредба имињата на оние кои членувале во советот за култура за време на владеењето на ВМРО-ДПМНЕ: академикот Цветан Грозданов, режисерот и професор Љубиша Георгиевски, познатите Оливер Белопета, Раде Силјан, Ацо Станковски, диригентот Борјан Цанев. Членови беа и професорот Митко Хаџи-Пуља и Милчо Манчевски.
Ново на Сител
-
Партиите бараат од граѓаните масовно да излезат на гласање на 8 мај, ВМРО-ДПМНЕ се изјасни дека би формирала влада со Вреди
-
Комисијата за осигурување од автомобилска одговорност ќе одлучува за поскапувањето на полисата
-
Учениците на пролетен распуст, наставата ќе продолжи на 7 мај
-
Блинкен во посета на Саудиска Арабија, Јордан и Израел
-
Ден на македонската дипломатија - 55 години од основањето на Министерството за надворешни работи
-
Неформална дводневна средба на Советот за општи работи на ЕУ
-
Сообраќајот на државните патишта се одвива непречено
-
Сончево и топло до 28 степени