ВМРО-ДПМНЕ: Објектот се градеше транспарентно, Жерновски лиферува погрешни информации
Од самиот почеток на изградба на објектот, ВМРО-ДПМНЕ целата постапка ја водеше крајно транспарентно, со објави во весници и со контиунирано информирање на јавноста за сите чекори од постапката, се наведува во пишаната реакција на ВМРО-ДПМНЕ на соопштението од општина Центар за извршениот инспекциски надзор на зградата во која е седиштето на партијата.
- Под транспарентна постапка беше избран и инвеститор. Постапките пред о. Центар се во тек за финално добивање на употребна дозвола, за што о. Центар мора да знае, бидејќи инвеститорот на објектот има благовремено доставувано со цел да ги запази сите постапки и процедури кои што се неопходни.
Објектот во Центар се уште не е ставен во функција, а ВМРО-ДПМНЕ својата работа ја извршува во привремениот штаб, при што јавноста исто така беше информирана. За сите други аспекти постојат документи и чекори кои што се преземени и се во согласност со законите.
Лиферуваните информации во јавноста се гола провокација без никаква законска основа. Фактот дека Градоначалникот на о. Центар нема направено ниту еден проект, нема изградено ниту еден објект и нема решено ниту еден проблем на граѓаните, оссвен пералницата на пари „Боемска улица”, е вистина, колку и да се занимава со провокации. ВМРО-ДПМНЕ во својата работа секогаш постапувала согласно со законите.
Наместо да се занимава со објекти во чија изградба се запазени сите законски постапки, Градоначалникот на о. Центар треба да излезе и конечно да проговори за аферата околу перењето пари за шминкањето на „Боемска улица“, за која се потрошени над 500 000 евра, пари на граѓаните. Треба да ги објасни личните семејни, пријателски, бизнис и политички интереси со НСДП, Тито Петковски, пратеничката Соња Мираковска, сопственикот на фирмата „Изградба Комерц“ и треба да објасни како успеа да потроши толку големи средства за стотина квадрати бехатонски плочки, стои во реакцијата од ВМРО-ДПМНЕ.
Ново на Сител
-
Мицкоски: На господинот Филипче му посакувам успешна работа, да бидат конструктивна опозиција | ВИДЕО
-
Високи претставници на демократите во САД отфрлаат засега можност за замена на Бајден поради повиците тој да се откаже од трката за претседател
-
Пожарите во близина на Атина без активно жариште
-
Бобан Николовски ја презеде функцијата директор на Царинска управа
-
ЈП ПОЦ минатата недела со санкции за 203 непрописно паркирани возила
-
Светска банка: Северна Македонија треба да спроведе реформи за справување со заканите поврзани со климатските промени
-
Едно лице загина, а едно е повредено во пукање во село Батинци, полицијата трага по сторителите
-
Уапсени директори на супермаркети во Мјанмар поради тоа што продавале ориз по многу високи цени