ВМРО-ДПМНЕ предлага не еден, туку четири викенди без ДДВ

Пратеничката група на ВМРО-ДПМНЕ ќе предложат амандман на владиниот предлог за викенд без ДДВ во кој наместо еден, ќе се дополнат уште 4 викенди - по еден во месеците ноември и декември 2020 година, како и по еден викенд во јануари и февруари 2021 година. 

- Така ќе се заштити здравјето на граѓаните и ќе нема турканици во продавниците со македонски производи и така ќе се зајакнува економијата и ќе се помага на производителите на македонски производи.

Со нашиот предлог реално ќе се помогне на граѓаните, а не само декларативно. Доколку СДСМ се искрени во намерата да им помогнат на граѓаните, ќе го прифатат овој наш амандман. Со тоа и ќе го реализираат она што го ветија. Во спротивно ќе покажат дека ја лажеле и манипулирале јавноста во предизборни цели - вели Иван Јорданов, пратеник на ВМРО-ДПМНЕ.

Катерина Нешкова