ВМРО-ДПМНЕ: СДС без реакција за изјавата на Дудуш

ВМРО-ДПМНЕ ги повика сите, како што се наведува во соопштението, општествени чинители и меѓународните претставници во Република Македонија да го осуди чинот на партизација на државата потсетувајќи на снимката на пратеникот Курто Дудуш од СДСМ во која се гледа дека тој ветува амнестија за сторен криминал за граѓаните кои поседуваат членска книшка од СДСM.

За случајот, како што се наведува, кој беше пред 20 дена, се уште нема реакција и осуда од партијата на власт. 

- Скандал од невидени размери и срам за целиот демократски свет е пратеник од владејачка партија да ветува неказнивост при сторен прекршок или криминал, привилегии на лекар и добивање социјална помош за граѓаните кои поседуваат членска книшка на политичка партија, се посочува во соопштението.

ВМРО-ДПМНЕ, како што стои, нема да дозволи Република Македонија од демократска држава да се претвори во приватна сопственост на СДСМ. - Граѓаните заслужуваат еднакви можности за живот и успех. ВМРО-ДПМНЕ нема да дозволи СДС да ја претвори државата во Северна Кореја, стои во текстот.  

Од партијата потсетуваат дека премиерот Зоран Заев во предизборието зборуваше за еднаквост помеѓу граѓаните.