ВМРО-ДПМНЕ: СЈО има добиено наредба политички да го напаѓа ВМРО-ДПМНЕ
Специјалното јавно обвинителство (СЈО) е алатка на СДСМ за политичка манипулација и пресметка и има добиено наредба политички да го напаѓа ВМРО-ДПМНЕ и неговото раководство, а случаите за кои покрена обвинение се неиздржани, без докази и се засноваат на политички, а не правни квалификации, смета ВМРО-ДПМНЕ.
- Нема ниедно друго образложение за ова што го прави СЈО, освен политички обид за изолација и оцрнување. Тоа беше и основата на конструкцијата на сите случаи кои ги покренаа. Еден од тие случи за кој се крена голема фама од СДС, а кој СЈО го употребува за политичка борба е случајот ТЕНК. Имено водеа политичка хајка за набавка на блиндираниот автомобил, а сега владата на СДС продолжува да го користи. Велеа дека бил уништен и изгребан, па откако го сликаа и купија денот со сликање, го изгланцаа и ставија во погон за превоз на делегации, изјави Дарко Костовски од ВМРО-ДПМНЕ пред седиштето на СЈО.
Тој посочи дека самиот случај е правен преседан, бидејќи за набавка на автомобилот е спроведен тендер, а по изборот на компанијата која ќе го набави немало никакви понатамошни жалби ниту забелешки.
- Автомобилот е набавен поради тоа што постојниот беше две децении стар, амортизиран и со помината безбедносна ефикасност. Македонија сега има барем едно репрезентативно возило. Токму СЈО направи политички случај кој е извор на манипулации и дезинформации. За имот кој останува во наследство на Република Македонија, рече Костовски и додаде дека тоа е уште еден еклантатен пример со кој се докажува пристрасноста и политичката хајка која ја води СЈО.
Посочи дека СЈО и Заев се плашат дека вистината за тоа што го прават ќе излезе и надвор од Македонија и ќе ја дознаат многу пријатели на Македонија.
- СЈО има добиено наредба политички да го напаѓа ВМРО ДПМНЕ и нејзиното раководство. Се обидуваат на секаков начин да ја оцрнат и заслабат партијата. Затоа бараат мерки само против пратеници и функционери на партијата. Затоа бараат без никаков аргумент да се одземат патните исправи на 50 функционери само на ВМРО ДПМНЕ и никој друг, потенцира Костовски.
Ново на Сител
-
Тема на денот со Арбен Таравари, министер за здравство и лидер на АА
-
Меџити: Ова е почеток на крајот на Европскиот фронт, следува нов бран на дестабилизација во ДУИ
-
СДСМ: Божиновска должи одговори
-
Таравари за смртта на 14 месечното бебе - Лична одговорност мора да има!
-
На интернет измами најчесто наседнуваат луѓето со ниски примања, велат психолозите
-
ВМРО-ДПМНЕ: 250 евра за секој студент - 10 милиони евра фонд за бизнис за млади
-
Само 1% од вработените во ЈКП-ЈА се лица помлади од 35 години, а 65% постари од 55 години
-
Потребна е поголема поддршка на жените земјоделки