Во Албанија се зголемува бројот на пациенти кои болнички се лекуваат од Ковид-19

Во изминатото деноноќие во Албанија се регистрирани 53 новозаразени со Ковид-19, 12 оздравени и еден починат пациент.

Со последните 320 тестови, од почетокот на пандемијата во земјата до сега се направени 23.126 тестирања при што досега позитивни се 1.891 лице, закрепнале 1.126, а починале 43 луѓе.

Во моментов во Албанија има 722 активни случаи на Ковид-19.

Според Министерството за здравство и социјална заштита се зголемува бројот на лицата кои болнички се лекуваат. Моментално на Инфективната клиника во Тирана има 63 пациенти, меѓу нив и лица од 30 до 40 годишна возраст. Од нив седуммина се интензивна нега, додека двајца се поставени на респираторна машина.