Во Белгија обвинети тројца мажи за „обид за терористичко убиство“

Белгиските власти подигнаа обвиненија против тројца мажи поради „обид за терористичко убиство“ по двондневната рација во 40 домови во државата.

Тројцата се именувани како Самир Ц. Мустафа Б. И Џавад Б. Тие се меѓу 12 претходно упасени лица во вчерашната акција. Тројцата се обвинети и за учество во активности на терористичка група додека девет други се пуштени по информативниот разговор.

Во Белгија во полициски рации во 40 домови во државата беа уаспени 12 луѓе поради сомневање дека планирале нови напади, соопшти канцеларијата на федералниот обвинител.

Рациите минаа без инциденти и не е пронајдено оружје ниту муниција.

Белгиската телевизија ВТМ јави дека луѓето кои се осомничени планирале напади во Брисел во викендот за време на фудбалскиот натпревар на белгиската репрезентација на Еуро 2016.

Полицијата добила на 15 јуни предупредување дека припадници на ИД неодамна ја напуштиле Сирија и се упатиле кон Европа планирајќи напади во Белгија и Франција.