Во Битола одбележан Меѓународниот ден на мајчиниот јазик
Националната установа универзитетска библиотека „Св.Климент Охридски“-Битола со пригодна манифестација го одбележа претстојниот 21 февруари, Меѓународен ден на мајчиниот јазик, прогласен од страна на Организацијата за образование, наука и култура на Обединетите нации (УНЕСКО).
Како што е познато, во 2000 година, 21 февруари е промовиран како Ден на лингвистичка и културна разновидност и мултилингвизам и според статистичките податоци, во светот денес се зборуваат околу 6.500 јазици, а на околу половина им се заканува исчезнување во многу делови на светот, потсетија од НУУБ „Св.Климент Охридски“-Битола.
Фатма Бајрам Аземовска од НУУБ „Св.Климент Охридски“-Битола истакна дека одбележувањето на Меѓународниот ден на мајчиниот јазик е под мотото „Година на книгата, книга за секое дете“.
- Во библиотеката поставивме тематска изложба на книги на македонски, турски, албански, ромски, српски, хрватски, бошњачки јазик и други јазици. Годинава го промовираме и проектот „Година на книгата, книга за секое дете“, кој има за цел масовно бесплатно зачленување на децата кои посетуваат предучилишни установи и центри за ран детски развој, поголема популаризација и промоција на читањето книги кои се достапни за сите деца со цел правилен интелектуален развој и полесно поаѓање во прво одделение, рече Аземовска.
Во првата фаза од проектот „Година на книгата, книга за секое дете“ ќе бидат вклучени дечиња од градинките „Естреја Овадија Мара“ и „Мајски цвет“ – Битола.
Ново на Сител
-
Истрага од Комисија за судир на интереси против хрватскиот претседател бидејќи ја однел сопругата на ЕУРО 2024 во Германија
-
Времето лечи се | Катерина Ангеловска | Личен Развој | Sitel Podcast 047
-
На „Табановце“ се чека околу 15 минути за влез во државата
-
Нема промена на Рамката
-
Донесени дополнувањата на Законот за енергетика со кои треба да се спречи поскапување на струјата
-
Советници на Трамп му предале план за запирање на американската воена помош на Киев доколку не разговараат за мир со Москва
-
Предлог законот за дополнување на Законот за енергетика, по скратена постапка, проследен на натамошна постапка во Собранието
-
ЕУ ја продолжи заштитата на украинските бегалци до 2026 година