Во Битола почнува фестивалот „Илинденски денови“
Со фолклорно дефиле по Широк Сокак и со традиционалното оро „Комитско“ во изведба на КУД „Илинден“-Битола, вечер почнува 48. издание на Републичкот фестивал на народни песни и игри „Илинденски денови“.
Годинава првпат фестивалот има пет програмски вечери, стандард кој произлегува од членството на Фестивалот „Илинденски денови“ во светското семејство на фолклорни фестивали ЦИОФФ, истакна Маја Андоновска-Илиевски, директорка на НУ Центар за култура-Битола, домаќин организатор на културниот настан.
- Да се биде член на ЦИОФФ и да се биде меѓу 100-те фестивали во Светот е голема работа, а ние како единствен член од Македонија во тоа семејство, сме горди што тоа е така. Гостите пристигнуваат во Битола, градот се полни со уметници од државата и странство. Бројката е голема и ние очекуваме над 1.000 луѓе кои ќе настапат на фестивалските сцени, претставувајќи 34 ансамбли, истакна Андоновска-Илиевски во пресрет на вечеашното свечено оворање на фестивалот.
Годинава, освен од Македонија на фестивалската сцена ќе настапат уметници и од Јапонија, Шпанија, Полска, САД, Северен Кипар, Хрватска, Србија и соседна Грција.
- На публиката ќе им се претстават интересни фолклорни групи со оригинален национален фолклор. Нивниот фолклорен производ освен на фестивалските вечери ќе биде претставен и на завршната интернационална вечер која ќе се одржи во локалитетот Хераклеа, а таму пак ќе настапи и Виолета Томовска во придружба на групата „Фонтана“ на заеднички концерт насловен како „Мојата Бабам Битола“... Ова е фестивал што ги буди сите сетила, не само очите и ушите, туку и душите. Овој Фестивал буквално не‘ грабнува, не‘ зема и не‘ шета на различни делови од Светот, вели Андоновска-Илиевски.
Фестивалот на народни песни и игри „Илинденски денови“ се одржува под покровителство на Собранието на Република Македонија, и со финансиска поддршка на Министерството за култура и општина Битола.
Ново на Сител
-
ДИК: Двојните избори утре ќе ги следат 1303 домашни и 860 странски набљудувачи, како и 83 странски новинари
-
Во општина Маврово-Ростуше гласаат 68 болни и изнемоштени лица
-
Малолетник прегазен во Велес, пренесен во скопските Клиники
-
Македонските државјани во Србија гласаат на вториот круг од претседателските избори во Македонската амбасада во Белгрaд
-
Лебот нема да поскапи следните два месеца, компаниите се жалат на проблеми со ликвидноста и со одлив на кадри
-
Поевтинуваат горивата, ова се новите цени
-
Граѓаните утре можат да пријавуваат повреда на избирачкото право на бесплатната телефонска линија 0800 54321
-
Цените на угостителски услуги во април зголемени за 2,5 проценти