Во Чиле се отвори огромна дупка во земјата, широка е 25 метри
Во Чиле, во рударската област Тиера Амарила, за време на викендот се појави огромна дупка со дијаметар од околу 25 метри, која сега ја истражуваат чилеанските власти. Локалните медиуми покажаа снимки од воздух од дупката во земјата. Таа област, на околу 665 километри северно од главниот град Сантијаго, е минирана од канадската компанија Lundin Mining, пишува Гардијан.
Сернагеомин, националната геолошка и рударска служба, дозна за дупката во саботата и испрати експертски персонал во областа, рече директорот на службата Дејвид Монтенегро. „До дното има значително растојание, приближно 200 метри. Не откривме никаков материјал во дупката, но видовме присуство на голема количина вода“, истакна Монтенегро. Сернагеомин извести за затворање на областа од влезот на локацијата на рудникот Алкапароса, која се наоѓа во близина на дупката.
Ландин Манинг вчера соопшти дека дупката не влијаела ниту на работниците, ниту на заедницата. „По откривањето на дупката, областа веднаш е изолирана и информирани се соодветните регулаторни органи. Во тек е техничка анализа за да се утврди причината за дупката. Најблиската куќа е на 600 метри од дупката, а населените места и јавните служби се на речиси еден километар оддалеченост од местото на формирање на дупката“, објави канадската компанија.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп