Во Дебар 18 новозаразени со Ковид-19
Во последното деноноќие во Дебар забележен е нов негативен рекорд на новозаразени со Ковид-19. Според официјалните податоци, регистрирани се 18 новозаболени, што е трета двоцифрена бројка досега, по 10 јули кога имаше 17 и на 20 јуни кога исто така беа регистрирани 18 нови случаи.
Со денеска потврдените, вкупниот број заразени од почетокот на пандемијата се искачи на 172. Битката со опасниот вирус ја добиле 57, ја изгубиле пет, додека активни на болеста се 110 лица, а од нив десетина се хоспитализирани во здравствените установи во Скопје.
Бројот на заразените во втората е повеќе од двапати повисок споредено со бројката од првата фаза.
Во втората фаза од пандемијата, кога коронавирусот по точно педесет дена, на 5 јуни се врати на ова подрачје, бројот на заразените е поголем за 121 лице. Оздравени се десет, почина едно лице, а активни на болеста се 110.
Во првата фаза беа регистрирани 51 заболен, оздравеа 47, а починаа четворица.
Како што деновиве предупреди епидемилогот Ментор Меља, раководител на работната единица на Центарот за јавно здравје, бројот на новозаразени ќе расте, што е последица на непочитување на мерките и протоколите.
Ново на Сител
-
Пожари во Гевгелија и штипско Караорман
-
Приватните превозници во јавниот градски превоз во Скопје возат само до 10 часот
-
Именување на генерален секретар на Собранието и барања за апанажа од поранешни министри на Комисијата за прашања на изборите и именувањата
-
Изречени 117 санкционирани возачи во Скопје
-
Бајден: Во претседателската трка сум до крајот, не се откажувам
-
Французите протестираа против десницата
-
Ураганот Берил ја погоди Јамајка и ослабен се упати кон Мексико | ВИДЕО
-
Променливо облачно, во западните и крајните источни делови со локален дожд