Во Дебар по еден месец регистриран нов ковид случај

По точно еден месец, вчера во Дебар регистран е еден случај на заразен со Ковид-19. Станува збор за жителка на Дебар, која е со лесна форма на болеста потврдуваат од работната едница на заводот за јавно здравје, која со својата актвност ја покрива и општина Центар Жупа.

Последниот случај беше регистриран на 19 ноември, жител на градот, кој во списокот на оздравени беше внесен на 9 декември.

Од почетокот на пандемијата, во двете општини вкупно 1 457 лица биле позитивни на опасниот вирус, а починале над 80 од нив.

Во меѓувреме дебарското одделение за внатрешни работи поднесе кривична пријава против жител на село Житинани, општина Центар Жупа, за нестапување по решение за задолжителна изолација.

-Поради постоење основи на сомнение за сторено кривично дело „непостапување според здравствените прописи за време на епидемија“, ОВР Дебар поднесе кривична пријава против Р.Ѓ(23) од селото Житинени, општина Центар Жупа. При контрола извршена на први овој месец полициски службеници утврдиле дека тој не се наоѓа во неговиот дом, информираше Стефан Димоски, портпарол на Секторот за внатрешни работи-Охрид.

Р.Ѓ., додава, не се придржувал до решението на Државниот здравствен и санитарен инспекторат за задолжителна изолација како заштитна мерка за спречување на ширењето на коронавирусот.