Во Грција има повеќе од 57 илјади мигранти и бегалци

Во Грција денеска има 57.155 бегалци и мигранти, а во последните 24 часа не се регистрирани нови пристигнувања.

Според бројките на Координативното тело за справување со бегалската криза, 23.675 од бегалците се во северна Грција, 10.198 се сместени во регионот на Атика, 8.643 на грчките острови и 1.943 се сместени во различни области во централна и јужна Грција.

Вкупно 6.281 од бегалците и мигрантите се сместени во неколку објекти изнајмени од страна на УНХЦР, 4.915 престојуваат во неорганизирани објекти, додека околу 1.500 лица живеат надвор од организирани објекти.