Во ХЕС „Црн Дрим“, за девет месеци, произведени 211 милиони киловат часови струја
Во Хидроенергетскиот слив (ХЕС) „Црн Дрим“, што го сочинуваат хидролектраните „Шпиље“ кај Дебар и „Глобочица“ кај Струга, за девет месеци произведени се вкупно 211 милони киловат часови електрична енергија.
-Прозводството е помало како во однос на планираното за овој период од годината, така и споредено со истиот период минатата година. Тоа се должи на послабата хидролошка година и намалениот доток на вода во акумулациите, но агрегатите се комплетно спремни за производство, изјавија за МИА надлежните во Електрани на Северна Македонија – ЕСМ.
Додаваат дека во Хидроелектраната „Шпиље“ произведени се 126 милиони киловат часови електрична енергија, што претставува 58,2 отсто од планираното за овој период од годината и 37,5 отсто во однос на истиот период минатата година.
Во втората хидроелектрана, ХЕ„Глобочица“, која е дел од сливот, произведени се 85 милиони киловат часови што е е 61,6 отсто од планираното и 40 отсто во однос на истиот период минатата година.
Надлежните додаваат дека во двете акумулации има солидна резерва на вода и тоа за првоизводство на околу 40 милиони киловат часови електрична енергија.
Навреме реализираните ремонти и ревизии на електромашинската опрема се гаранција дека двете хидроелектрани се подготвени да примат и преработат поголема количина на вода, во случај на поповолна хидролошка состојба на ова сливно подрачје, порачуваат од ЕСМ.
Ново на Сител
-
Албанија „ќе увезе“ 40.000 работници од Филипините
-
Приведен криминалец баран со потерница
-
Постепено забрзување на економскиот раст и просечна инфлација од 3,5 отсто, предвидува Народната банка
-
До четврток посвежо со локална нестабилност и пообилни врнежи
-
Германската амбасада со честитки до Силјановска Давкова за преземањето на нејзината улога како прва жена претседател
-
„Политико“: Силјановска-Давкова предизвика расправии со Грција уште при полагањето заклетва
-
ДИК ќе одлучува по однос на пристигнатите приговори од парламентарните избори
-
За брзо возење казнети 553 возачи