Во Истанбул пристигна уште еден брод со украинско жито
– Бродот Ројен, кој исплови под малтешко знаме од пристаништето Черноморск, натоварен со 13.000 тони пченка, стигна до брегот на Истанбул.
Ова е уште еден брод што превезува жито како дел од договорот потпишан на 22 јули од Турција, Украина, Русија и Обединетите нации (ОН) со цел да се обноват испораките на украинското жито од пристаништата на Црното Море.
Како што јавува Анадолија, бродот „Ројен“, чија крајна дестинација е Велика Британија, ќе биде закотвен во Истанбулскиот Теснец, каде тим составен од претставници на Турција, Русија, Украина и ОН ќе изврши инспекција на бродот, по што бродот ќе го продолжи патувањето.
Се очекува и бродот Поларнет, кој плови под знаме на Турција, и кој превезува 12.000 тони жито, наскоро да влезе во Истанбулскиот Теснец.
Министерството за одбрана на Турција во петокот соопшти дека три брода со вкупно 58.000 тони пченка тргнале од украинските пристаништа за Турција, Велика Британија и Ирска.
Во понеделникот од украинското пристаниште Одеса исплови првиот брод со жито, кој потоа го продолжи патувањето од Истанбул до Либан.
Ново на Сител
-
Од мала сум гладна за успех | Мартија Станојковиќ | Sitel Podcast 063
-
Детали за големата полициска акција во тетовско и Охрид | ВИДЕО
-
Град Скопје: Аплициравме со 20 проекти, но ни за еден не добивме пари
-
МАНУ: Во Македонија, како и во земјите во регионот и во светот, постои само една национална академија
-
Кривични против цариник и радовишанец
-
Се тепале две семејства во Штип, кривична заработија 21 лице
-
Нападнат ученик во училиштен двор
-
Трамп повторно тврди дека мигрантите од Хаити јадат домашни миленичиња