Во Кавадарци изложба на фотографии од мигрантската криза
Под мотото „Стоп за рамнодушноста, да ја сочуваме хуманоста”, синоќа во музеј галеријата во Кавадарци беше отворена изложба на фотографии кои ја претставуваат мигрантската криза во Република Македонија во 2015 и 2016 година.
Озложбата е во организација на Црвениот крст на Македонија, кој под ова мото ја води и кампањата за подигнување на свеста за судбината на бегалците.
На 50 фотографии се гледаат активностите на професионалците и волонтерите на Црвениот крст поврзани со мигрантската криза и со мигрантите, кои престојуваа во бегалските кампови на територијата на Република Македонија.
- Целта е да се подигне свеста кај граѓаните за хуманитарните активности и тоа не само во услови на вакви мигрантски кризи, туку секогаш кога има потреба од тоа да се помогне некому, рече пред присутните Димитар Каракулев, претседател на Општинската организација на Црвениот крст од Кавадарци.
Доктор Милчо Трајков, претседател на Црвениот крст на Македонија, посочи дека низ Република Македонија согласно УНЦХР, досега поминале околу 800 илјади бегалци.
Процесот на транзит низ државава имал три фази, подвлече тој, потсетувајќи оти првата фаза завршила до 17 јуни минатата година.
- Втората фаза беше кога Владата на Република Македонија направи промена во Законот за азил, со што им беше овозможено на азилантите извезен временски период да поминат на наша територија. Третата фаза е периодот кога беше запрена рутата и тоа не од наша страна, туку од страна на меѓународниот фактор, со што транзитирањето на бегалците беше прекинато, појасни Трајков.
Ново на Сител
-
Силјановска Давкова: Македонија е мое лично право на самоопределување
-
Министрите контра експертите за заклетвата на Силјановска Давкова
-
Експертите предлагаат со закон да се обезбеди континуитет на веб страните на институциите
-
Бугарија бара Бугари и меѓу Македонците муслимани на Косово
-
Проекција на НБРМ: Намален раст и забавена инфлација – Цените на храната двојно повисоки од светските
-
Загрижувачка е состојбата со алергии кај децата
-
Студентите на Правен при УГД-Штип симулираа Европски парламентарни избори
-
НБРМ со надолна корекција на растот на македонската економија