Во Кичево Саем за здрава органска храна
Дваесет и пет фирми од Кукуш, Грција и 15 фирми од Струмица од разни индустриски области се претставуваат на Саемот за здрава органска храна што денеска беше отворен во Кичево. Саемот е дел од проектот финансиран од ИПА фондовите на ЕУ за меѓугранична соработка помеѓу Република Македонија и Република Грција. Со проектот се опфатени општините Кичево и Струмица од Македонија и Кукуш од Грција.
Координаторот на проектот Влора Бектеши истакна дека главна цел е да се создадат поволни услови за соработка, вмрежување и економски развој на прекуграничниот регион Струмица-Кичево-Кукуш-
- Со проектот се надеваме дека ќе се создадат можности за зголемена соработка помеѓу претпријатијата од овај регион. Исто така, ќе се промовираат и извозно ориентираните претпријатија од Струмица, Кичево, Кукуш и Поликастро на странските пазари. Очекуваме да се зголемат домашните и странските инвестиции во прекуграничниот регион преку креирање и промоција на бизнис можностите и инвестициските поволности на Струмица и Кичево, рече Бектеши.
На денешното отворање на саемот беше присутен и градоначалникот на општина Кичево Фатмир Дехари, кој изрази благодарност за соработката што ја имаат општините Струмица и Кукуш со општина Кичево.
Ново на Сител
-
Локалните избори во Србија и изборите во Белград ќе се одржат на 2 јуни
-
АСО: Неоправдано е поскапувањето на полисите
-
Со лажен сертификат за англиски јазик аплицирала за директорка и добила работа, сега ќе одговара кривично
-
Ким Џонг-ун надгледуваше пробно истрелување ракети
-
Учениците од понеделник на пролетен распуст, наставата ќе продолжи на 7 мај
-
СПМ: Вториот круг претседателски избори ќе базира на резултатите од првиот
-
Мицотакис: Грција нема да испрати во Украина системи С-300, ниту „Патриот“
-
Столтенберг: Украина и натаму може да ја добие војната против Русија