Во Македонска Каменица почна пријавувањето за чистење оџаци пред почетокот на грејната сезона

-Ги известуваме граѓаните станари во колективните живеалишта во општина Македонска Каменица, дека од денеска (26.09.2020 година) започнува пријавувањето за чистење на оџаците пред почетокот на грејната сезона. Оваа редовна пракса која Јавното претпријатие ја врши секоја година пред почетокот на грајната сезона, ќе се врши исклучиво по претходна пријава за чистење од страна на претседателите на Куќните совети или од група на станари, истакнаа од ЈП ,,Камена Река”.

 

Со постапката, како што додадоа, ќе се влијае на поголема безбедност и елиминирање на можноста од појава на пожари предизвикани од запалување на оџаците во колективните живеалишта во текот на грејната сезона.

 

-Апелираме до граѓаните за строго придржување кон Куќниот ред за станување во колективни живеалишта, како и навремено пријавување на проблеми со чистотата и исправноста на оџаците, без преземање на било какви чекори без известување до претпријатието или ТППЕ Македонска Каменица, нагласија од ЈП ,,Камена Река”.