Во последниот премиерски телефонски повик Џонсон се прости од „пријателот“ Зеленски

Во неговиот последен телефонски разговор како британски премиер, Борис Џонсон, денеска им оддаде почит на украинскиот претседател Володимир Зеленски и на украинскиот народ, изјавувајќи дека можат и ќе ја победат Русија и вети дека ќе останат во контакт како пријатели.  „Премиерот разговараше со украинскиот претседател Володимир Зеленски за да му се заблагодари за неговото лидерство и пријателство.

Премиерот јасно стави до знаење дека верува оти претседателот Зеленски и неговиот народ можат и ќе ја добијат војната во Украина“, соопшти портпаролот на Даунинг стрит.

-Премиерот му кажа на претседателот Зеленски дека е привилегија да соработува со него и да го поддржува, а двајцата лидери се согласија да останат во контакт како блиски пријатели, додаде портпаролот.  Џонсон утре и официјално ќе поднесе оставка од функцијата премиер, а на негово место доаѓа шефицата на британската дипломатија Лиз Трас, која денеска победи на внатре партиските избори во владејачката