Во Сирија ослободени тројца шпански новинари
Тројца шпански новинари, кои пред 10 месеци беа грабанти во Сирија, вчера се ослободени, пренесоа светските агенции.
-Пред неколку часа беа ослободени шпанските новинари Хосе Мануел Лопес, Анхел Састре и Антонио Памплиега, кои беа киднапирани во Алепо, во северниот дел на Сирија, пред приближно 10 месеци, соопшти портпаролката на шпанската Влада.
„Тројцата се добри“, додаде таа.
Владата подвлече дека ослободувањето на новинарите станало можно со помош на пријателски и сојузнички земји.
Шпанската заменик премиерка Сораја Саенс де Сантамарија разговарала со тројцата ослободени новинари, забележаа британските медиуми.
Според информации на шпанскиот весник „Ел Паис“, тие се наоѓаат во Турција и се очекува брзо да бидат вратени во Шпанија. Тие на 10 јули минатата година влегле во Сирија преку Турција и набрзо потоа исчезнале.
Според информации на Сирискиот центар за мониторинг на човековите права тројцата последне пат биле забележани на 13 јули во кварт на Алепо, контролиран од бунтовниците. Оттогаш речиси и да немаше податоци за нивната судбина.
Новинарите работеле за различни шпански медиуми, вклучувајќи ги дневните весници „БеСе“ и “Расон“, телевизијата „Кватро“ и радиото „Онда серо“.
Ново на Сител
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Тема на денот со воениот аналитичар Милан Стефаноски
-
Наместо во подземни контејнери штипјани сметот го одлагаат врз нив
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Силјановска Давкова: Војната во Украина не е украински, туку европски и светски проблем
-
Ново поскапување на лебот ако се зголеми цената на струјата
-
Дали само итни пациенти се снимале на Институтот за радиологија поради технички проблем во петокот?
-
Детектор: Интернетот и социјалните мрежи штетно влијаат врз децата