Во Скопје почина двомесечно бебе од малолетна мајка

МВР информираше дека вчера во 08:05 часот во Полициска станица Гази Баба од Итната медициска помош е пријавено дека во куќа на ул.„Зендел Џемаил“ има починато бебе. Откако бил извршен увид на местото на настанот од полициски службеници од Полициска станица Гази Баба, било констатирано дека станува збор за починато двомесечно бебе, од малолетна мајка од Скопје.

Од лекар од Итна медициска помош била констатирана смрт, а по наредба на Јавен обвинител телото на бебето е предадено за обдукција во Институтот за судска медицина.