Во Словачка со улични собири одбележана годишнината од убиството на новинарот Куцијак
Десетици илјади луѓе денеска се собраа низ цела Словачка за да ја одбележат годишнината од убиството на истражувачкиот новинар Јан Куцијак и неговата свршеница Мартина Кушнирова.
Куцијак и Кушнирова беа убиени во својата куќа на 21 февруари 2018 година, а словачките власти се сомневаат дека станува збор за нарачано убиство, кое е поврзано со неговата новинарска работа.
Новинарот истражуваше дали има корупција во Владата и дали постои врска меѓу политичарите и италијанската мафија.
Покренати се обвиненија против четири лица осомничени за убиството, но постои сомневање дека организаторот на убиството и натаму е на слобода.
Убиството предизвика големи улични протести и политичка криза која доведе до смена на шефот на полицијата и пад на владата.
Организаторите на денешните собири бараа одговори од истрагата.
– Сакаме да ги знаеме имињата на оние кои го наредија ова ужасно злосторство, рече организаторката Каролина Фарска.
Ново на Сител
-
Истрага од Комисија за судир на интереси против хрватскиот претседател бидејќи ја однел сопругата на ЕУРО 2024 во Германија
-
Времето лечи се | Катерина Ангеловска | Личен Развој | Sitel Podcast 047
-
На „Табановце“ се чека околу 15 минути за влез во државата
-
Нема промена на Рамката
-
Донесени дополнувањата на Законот за енергетика со кои треба да се спречи поскапување на струјата
-
Советници на Трамп му предале план за запирање на американската воена помош на Киев доколку не разговараат за мир со Москва
-
Предлог законот за дополнување на Законот за енергетика, по скратена постапка, проследен на натамошна постапка во Собранието
-
ЕУ ја продолжи заштитата на украинските бегалци до 2026 година