Во Солун денеска автобусите нема да превезуваат патници

Вториот по големина грчки град, Солун, денеска ќе остане без автобуси поради протестите на вработените во јавниот превоз, јави БТА.

Протестите во овој сектор траат веќе 10 дена. 

- Работниците настојуваат да им бидат исплатени заработените плати за последните три месеци, изјави претседателот на нивниот синдикат, Димитрис Церменидис. 

Тој се закани, дека возачите на автобуси во Солун нема да отстапат и дека нема да седнат во возилото, ако не им бидат исплатени платите.