Во Србија 2.932 новозаболени од коронавирус, 48 починати

Според официјалните податоци, во последните 24 часа во Србија починале 48 лица како резултат на болести предизвикани од коронавирус. Регистрирани се уште 2.932 случаи на инфекција, од 12.897 тестирани примероци.

Во болниците низ целата земја има 8.765 пациенти, а 271 пациент се приклучени на апарати за дишење, објавено е на веб-страницата covid19.rs.

Од појавувањето на првиот случај на ковид-19 во Србија, починале 3.211 лица, со стапка на смртност од 0,95 проценти. Досега се тестирани 2.296.303 примероци, а инфекцијата е потврдена кај 337.923 лица.