Во страотна сообраќајка на автопатот Гостивар - Тетово загина жена, повеќемина повредени
Во судар на две возила на наплатна рампа на автопатот Тетово – Гостивар утрово загина 51-годишна жена од Кичево, информираше Секторот за внатрешни работи – Тетово. Несреќата се случила околу 6.45 часот.
-На самата наплатна станица што е во близина на Тетово помеѓу две кабини се случи сообраќајната несреќа со две возила. „Мерцедес“ со охридски таблички управуван од 51-годишна жена жителка на Кичево и „фолксваген туарег“ со дебарски таблички управуван од 37-годишен жител на градот. Поради сударот, на местото животот го изгубила жената од Кичево која била сама во возилото, изјави Марјан Јосифовски, портпарол на СВР Тетово.
Возачот на другото возило, како и тројцата сопатници на возраст од 32, 36 и 62 години добиле различни телесни повреди и се пренесени во тетовската клиничка болница.
-Поради тежината на повредите сите се задржани за болничка опсервација, рече Јосифовски.
Увид на местото направиле службеници на СВР Тетово и јавното обвинителство. По наредба на јавен обвинител, телото на жената е предадено за обдукција. Полицијата почна истрага за утврдување на причините за сообраќајката.
ФОТО:АЛСАТ
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот