Во тек се преговори меѓу претставници на Нагорно-Карабах и Азербејџан за повлекување на војниците

Во тек се преговори меѓу претставниците на Нагорно-Карабах и азербејџанската страна, со посредство на руските мировни сили, за организирање на процесот на повлекување на војниците и обезбедување на враќањето на евакуираните граѓани во нивните населби по воената агресија на Азербејџан, соопшти Инфоцентарот на Нагорно Карабах.

Се разговара и за процедурата за влез и излез на граѓаните од Нагорно Карабах, јавува ерменска новинска агенција.

Ерменското раководство на Нагорно Карабах, како што претходно јавија светските агенции, соопшти дека се уште нема конкретни резултати од разговорите со азербејџанската страна за можни безбедносни гаранции или амнестија што Баку ја предлага по офанзивата на регионот.