Во Велика Британија родено првото бебе со ДНК од три лица
Првото бебе во Велика Британија создадено со помош на ДНК на три лица е родено откако лекарите спроведоа револуционерна процедура за IVF, чија цел е да го спречи наследувањето на неизлечиви болести, пренесува „Гардијан“.
Техниката позната како митохондријална донација (MDT) користи ткиво од јајце клетки на здрави женски донатори за да се создадат ембриони со IVF кои немаат штетни мутации кои ги носат нивните мајки, а кои најверојатно би ги наследиле нивните деца.
Бидејќи ембрионите ги комбинираат спермата и јајце клетката на биолошките родители со ситни структури наречени митохондрии од јајцата на донорот, добиеното бебе има ДНК на мајката и таткото, како и обично, плус мала количина од генетскиот материјал на донорот, околу 37 гени.
Процесот довел до терминот „бебе од три родители“ иако повеќе од 99,8 проценти од ДНК кај бебињата потекнува од мајката и таткото. Истражувањето за MDT, кое е познато и како митохондријална надомесна терапија (MRT), го започнаа лекарите во Центарот за плодност во Њукасл.
Целта на работата беше да им се помогне на жените со мутирани митохондрии да имаат бебиња без ризик од пренесување на генетски нарушувања. Луѓето ги наследуваат сите свои митохондрии од своите мајки, така што штетните мутации во „батериите“ можат да влијаат на сите деца што ги има една жена.
За засегнатите жени, природното зачнување често е ризик. Имено, некои деца можат да се родат здрави бидејќи наследуваат само мал дел од мутираните митохондрии, но други можат да наследат многу повеќе и да развијат тешки, прогресивни и често фатални болести. Околу едно од 6.000 бебиња имаат митохондријални нарушувања, објаснуваат експертите.
„Причината поради која промената се гледа во клетките на некои деца родени по MRT процедурата, но не и кај други, не е целосно разбрана“, вели Даган Велс, професор по репродуктивна генетика на Универзитетот во Оксфорд, кој учествувал во споменатото истражување.
Ново на Сител
-
Две лица го загубија животот, а пет се водат за исчезнати во судар на крузер и чамец на Дунав кај Будимпешта
-
Државјанин на Северна Македонија со „богато“ криминално досие во Грција, уапсен за кражба во дом на Пелопонез
-
Пет лица загинаа, а најмалку 15 се ранети во рускиот напад врз областа Харков
-
Судот во Лондон утре ќе одлучува за екстрадицијата на Асанж во Америка
-
Герапетритис: Граѓаните на Северна Македонија не би сакале да се стават во опасност односите со Грција и ЕУ перспективата на земјата
-
Преодно стабилизирање на времето се очекува во петок
-
Косово и САД потпишаа договор за борба против манипулирањето на информации од други држави
-
Вучиќ најави дека утре ќе отпатува во Њујорк за да се спротивстави на усвојувањето на резолуцијата за Сребреница