Волонтер ја прими првата тест-доза на вакцината против Ковид-19 развиена од турски Универзитет
Волонтер во Турција ја прими првата тест доза на „ERUCOV-VAC“, потенцијалната вакцина против коронавирусот развиена на турскиот Универзитет во Ерџијес (ЕРУ), јави агенцијата Анадолија.
Станува збор за потенцијална вакцина развиена во Центарот за истражување и развој на вакцини на Универзитетот во Ерџијес (ERAGEM), а која ја произведува компанијата „Кочак фарма“.
Турското Министерство за здравство од почетокот го поддржува тој проект, кој се спроведува во рамките на домашните турски ресурси.
Со апликација на првата доза, започна првата фаза на тестирање на ефикасноста на потенцијалната турска вакцина.
Волонтерот Назиф Дурна рече дека е среќен што може доброволно да придонесе за ширење надеж меѓу луѓето.
Ректорот на ЕРУ, Мустафа Чалиш, изјави дека претклиничките тестирања се завршени и дека на почетокот на јануари идната година би требало да биде завршена првата фаза од клиничкото тестирање. јави Анадолија.
Тој појасни дека во интервал од три недели волонтерот ќе прими уште една доза од потенцијалната вакцина, и дека наредната фаза на тестирање ќе се раководи согласно набљудувањата и резултатите од новозапочнатото тестирање.
Ново на Сител
-
Албанија го отвора првиот кластер на преговори за пристапување во ЕУ
-
Без струја неколку скопски населби
-
Почнува грејната сезона во Скопје
-
Седници на две собраниски комисии
-
Македонски државјанин уапсен во Косово - Баран со потерница за издржување казна затвор од 6 години
-
Јужна Кореја објави дека Северна Кореја разнела делови од патот што ги поврзува двете корејски држави
-
Презентација на конечните резултати од Пописот на населението на Црна Гора
-
Бајден го предупреди Иран дека обидот за убиство на Трамп би бил чин на војна