„Волстрит џурнал“: Најмалку 22 терористи поврзани со нападите во Брисел и Париз се уште се на слобода

Најмалку 22 радикални ислмисти од Европа, поврзани со терористичките напади во Брисел и Париз, можно е се уште да се наоѓаат на слобода, пишува весникот „Волстрит џурнал“, повикувајќи се на сопствени извори и тајни документи.

- Најмалку 22 радикални исламисти од Европа, кои се поврзани со терористичката мрежа одговорна за нападите во Брисел и Париз, можно е се уште да се на слобода. Безбедносните служби на европските држави постојано се во режим на зголемена готовност, обидувајќи се да спречат нови терористички напади на Исламска држава во регионот, наведува весникот.

Голем број од терористите, по кои трагаат специјалните служби, биле вмешани во терористичките активности на ИД. Освен тоа, според истражните органи, речиси сите тие долги години или месеци учествувале во борбите во Сирија.

- Бараните екстремисти се дел од широка мрежа, составена главно од млади луѓе кои имаат длабока омраза кон Западот, откако го прифатиле радикалниот ислам во нелегални џамии и на тајни средби во бриселскиот кварт Моленбек, кој е населен главно со муслимани, пишува „Волстрит џурнал“.