Врховниот суд на Бразил одлучи претседателот на Сенатот да остане на должноста
Бразилскиот Врховен суд одлучи да му дозволи на Ренан Каљеирос да продолжи да ги извршува задолженијата како претседател на Сенатот и покрај истрагата за корупција што се води против него, јави ДПА.
Каљеирос беше времено отстранет од должноста од едночлен состав на Врховниот суд во понеделникот, откако беше обвинет за злоупотреба на државни средства.
На седницата во полн состав Судот реши со шест наспроти три гласа Каљеирос да ја задржи функцијата, но за сметка на тоа тој нема да може повеќе да ги извршува надлежностите на претседателот, доколку шефот на државата не е во можност да остане на функцијата.
Шеесет и еден годишниот Каљеирос е обвинет дека префрлал пари од буџетот на Сенатот на фирма за автомобили со изменети договори од 2005 до 2007 година. Ова тој го правел за да може да и исплаќа алиментација на неговата вонбрачна ќерка.
Ново на Сител
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО
-
ВИ: „Мона Лиза“ рапува
-
УКИМ донесе Одлука за основање Фондација „Горан Стефановски“
-
Кари ја освои наградата „Џери Вест“
-
Денвер трет пат го совлада ЛА Лејкерс
-
Први мај и вторитот ден на Велигден неработни за сите граѓани, а Велики петок за граѓаните од православна вероисповест