Втора фаза од асфалтирањето на регионалниот пат Гевгелија – Негорци
Пролетните температури среде зима им овозможија идеални услови на градежните работници за продолжување на работите од втората фаза на изградбата на регионалниот пат Гевгелија – Негорци, што почна целосно да се обновува од почетокот на годинава.
Дел од патот, на потегот од излезот на градот до некогашната управна зграда на ЗИК „Винојуг“, во првата фаза веќе беше асфалтиран, а во рамки на втората фаза деновиве се гребеше оштетениот горен слој на патот од излезот на Гевгелија до крстосницата кај Негорски бањи.
Гребењето на оваа делница од патот заврши и денес се очекува да почне асфалтирањето по кое речиси половина од 6,5 километри долгиот регионален пат Гевгелија – Негорци,ќе биде готов.
По целата должина на патот, а особено на делот каде се изведуваат работите, на возачите им се препорачува многу внимателно управување со возилата и задолжително прилагодување на брзината на возење кон условите на патот.
Изградбата на регионалниот пат Гевгелија – Негорци ќе чини вкупно 90 милиони денари, што се обезбедени од Јавното претпријатие за државни патишта
Ново на Сител
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор
-
Изборен молк - Утре ќе се прегласува во 5 и 6 ИЕ за два пратеника
-
ССМ пресмета: Месечно потребни се над 1,000 евра за да се преживее
-
Земјоделците од Иловица и Штука блокираа пат поради откупната цена на младиот компир од само 15 денари
-
Хируршките сали не работат со денови - Бесија Иљази од токсикологија забрани изјави за новинари
-
ССЗ против намерата за припојување на болницата во Лешок кон Клиничката во Тетово
-
Полиција и куп инспектори влегоа во забавниот парк во Карпош