Втора титула во двојки за Ѓорческа во 2016 година

Македонско – романската коминација Лина Ѓорческа и Кристина Дину триумфираа на фјучрс турнирот во Сегед што се игра на награден фонд од 50.000 долари. Ова за нашата тенисерка е втора титула во двојки во 2016 година (првата ја освои во Анталија), а со успехот е поголем бидејќи освоени повеќе поени во однос на ланскиот триумф на турнирот во Галаци во истиот период.

Првиот сет со 6:4 во гемови им припадна на Јустијана Јегиолка (Полска) и Гуадалупе Перез Рохас (Аргентина), додека во вториот беше 6:1 за Ѓорческа и Дину. Во решавачкиот сет беше 10:4 на поени. 

Ова е прва победа на Ѓорческа на турнир од оваа категорија, а по една недела пауза таа од 27.јуни е пријавена да игра на турнирот во Штутгарт.