Вучиќ-Палмер: Стабилноста на Западен Балкан е еден од приоритетите на САД
Претседателот на Србија, Александар Вучиќ, денеска преку видео врска разговараше со специјалниот пратеник на американскиот Стејт департмент за Западен Балкан, Метју Палмер, со кого разгледа бројни регионални прашања, состојбата во врска со пандемијата Ковид-19, мерките за економското закрепнување и продолжување на дијалогот со Косово, јави дописникот на МИА од Белград.
„Палмер и честиташе на Србија за исклучителниот успех во вакцинирањето, како и за помошта во вакцините што беа доставени до земјите од регионот. Тој особено ја истакна важноста на ваквата регионална политика, која е насочена кон солидарност и поврзаност, нагласувајќи дека во времиња на предизвици, земјите треба да најдат можност да ја изразат својата подготвеност за соработка“, се наведува во соопштенеито на Кабинетот на српскиот претседател.
-Разгледавме многу важни прашања, како и сите разлики што постојат меѓу нас, кажал Вучиќ, нагласувајќи дека еден од надворешно-политичките приоритети на Србија е во иднина да се изнајдат решенија што ќе значат подобри и поинтензивни билатерални односи меѓу САД и Србија.
„Американскиот официјален претставник истакна дека еден од приоритетите на САД е стабилноста и безбедноста на Западен Балкан и ја пофали конструктивната улога на Србија во регионалните иницијативи, како што е „малиот Шенген“ и бројните инфраструктурни проекти кои значително ќе го подобрат квалитетот на животот на сите граѓани во регионот и понатамошно подобрување и зајакнување на регионалната економска интеграција“, се наведува во соопштението.
-Србија ќе продолжи да се стреми кон постигнување вистински и одржлив компромис во решавањето на прашањето за Косово, истовремено штитејќи ги интересите на тамошните Србите, како и зачувувајќи ги државните и националните интереси на Србија, изјавил Вучиќ.
Палмер истакнал да САД го поддржуваат процесот предводен од ЕУ и изразил очекување дијалогот да продолжи наскоро, истакнувајќи ја важноста од спроведувањето на Бриселскиот договор и потврдувајќи ја посветеноста на САД за дијалог и разговори за спорните прашања.
Ново на Сител
-
Вреди ја напуштија собраниската седница
-
Расчистен случајот „Долно Блаце“, дисциплинска постапка за шест полициски службеници
-
Нашиот Мато наполетано повторно помеѓу светската елита
-
Паднато дрво кај месноста Баткова Чешма го отежнува движењето на возилата на патот Делчево - Македонска Каменица
-
На повикот за проекти во вкупна вредност од 250 милиони евра во текот на вчерашниот ден аплицирале 10 до12 општини
-
Протест пред полициската станица во Косовска Митровица поради апсењето на четворицата српски младинци
-
Мицкоски за преговорите со Бугарија: Да почекаме таму да се случи политичка Влада, за да видиме дали постои желба за дијалог
-
Ќе има и есенска и пролетна кошничка, Владата ќе му излезе во пресрет на стопанството за Законот за нефер трговски практики