Вучиќ: Србија е искрен пријател на Турција
Србија е искрен пријател на Турција, изјави српскиот претседател Александар Вучиќ на состанокот во Белград меѓу српската и турската делегација, на кој учествуваше и турскиот претседател Реџеп Тајип Ердоган.
Вучиќ и Ердоган претходно, повеќе од еден час, имаа тет-а-тет средба, за која српскиот претседател рече дека е презадоволен.
На почетокот на состанокот со делегациите, Вучиќ на Ердоган му се обрати со зборовите „драг пријателе“ и му се заблагодари што пристигна со бројна делегација.
Пред денешниот состанок, како што рече Вучиќ, биле подготвени десет договори, а сега ќе бидат потпишани 12 во Белград и уште четири во Нови Пазар.
- Србија е искрен пријател на Турција и колку и да изгледа необично за некого, така и ќе се однесуваме. Србија е независна и суверена држава и нашиот однос кон Турција никогаш нема да зависи од односот на другите земји кон неа, нагласи Вучиќ.
Во поздравното обраќање тој потсети дека Србија уште истата вечер кога се случи обидот за пуч во Турција минатата година застана на страната на легално избраните институции и ги поддржа демократски вредности на земјата.
- Тоа никаде и никогаш не сме го криеле. Имаме многу заеднички интереси во регионот, пред се мир и стабилност и тие се од суштинско значење. Затоа и водиме дијалог со Приштина, кој за нас воопшто не е лесен, истакна Вучиќ, додавајќи дека Србија никогаш не била фактор за нестабилност на Балканот.
Ново на Сител
-
Полицијата презема мерки за пронаоѓање шест лица - работници од Непал
-
Избувна пожар во светиниколско: Изгоре штала, две грла добиток, млин, сточна храна
-
Во Струмица oбид за киднапирање на тригодишно дете, полицијата испитува дали се работи за кривично дело
-
Мицкоски за можна средба со Мицотакис во Вашингтон: Се надевам дека ќе го задржиме достоинството и дека ќе разговараме како партнери и добри соседи
-
Путин очекува Орбан да зборува од името на Европа за Украина
-
НАТО на самитот во Вашингтон ќе бара стандардизација на артилериската муниција
-
Столтенберг се надева дека Украина може да се приклучи на Алијансата во следните 10 години
-
Шолц вети дека поддршката на ЕУ за Украина нема да ослабне, и покрај посетата на Орбан на Москва