Вучиќ-Утринските разговори за српско-хрватските односи со премиерот Пленковиќ
Српскиот претседател Александар Вучиќ денес во Давос се состана со хрватскиот премиер Андреј Пленковиќ.
-Утрински разговори за српско-хрватските односи со премиерот Андреј Пленковиќ, напиша Вучиќ на својот профил на Инстаграм, со фотографии од неговата средба со хрватскиот премиер.
Вучиќ престојува во Давос, каде се одржува Светскиот економски форум, на кој ќе учествува на два панели и ќе има серија билатерални состаноци.
Прво учествува на панелот „Дипломатски дијалог за Западен Балкан“, а потоа на работен ручек на темата „Генерирање раст за Централна и Источна Европа“.
Како што најави синоќа, тој ќе зборува за тоа како ја гледа иднината, за „малиот Шенген“, економската соработка и други прашања.
Вучиќ ќе присуствува и на обраќањето на американскиот претседател Доналд Трамп пред учесниците на Форумот, додека на маргините на собирот, предвидено е да се сретне со Роберт О Брајан, советник за национална безбедност на американскиот претседател и со претседателот на Европската банка за обнова и развој, Сумантра Чакрабарти.
Српскиот претседател вчера потврди дека ќе учествува на еден од панелите на Светскиот економски форум во Давос и со Хашим Тачи.
-Очекувам размена на аргументи, која нема да биде едноставна, ниту лесна, но верувам дека во цивилизиран тон, ќе можеме да го сториме тоа, рече Вучиќ.
Ново на Сител
-
Трошоците за превоз и сместување за семејствата на пациентите повредени во Кочани, кои се лекуваат во странство целосно покриени од Владата
-
По убиството, Палчо запалил цигара и отворил телефон
-
На автопатот Скопје – Велес одземени возила поради истечена регистрација од скоро една година
-
АЦВ за снимањето со дронови при вчерашните собири: Прекршувањето на правилата под изговор „не сме знаеле” е неприфатливо
-
На студентските собири на УКИМ донирани 415.724 денари, УСС ги уплатил на сметката на Црвен крст
-
Во Шведска транспортирани двајца повредени во пожарот во Кочани
-
Двајца од хоспитализираните во Бугарија се екстубирани, еден е на маска за кислород, а останатите се во тешка, но стабилна состојба
-
„Требаше да наполни 25 години, кoj ќе ми го врати мојот син“, потресно обраќање на татко чиј син загина во „Пулс“