За една недела во Грција се уапсени 194 лица за прекршување на превентивните мерки за коронавирусот
За прекршување на превентивните мерки за спречување на ширењето на коронавирусот, во Грција за една недела се уапсени 194 лица, во 184 случаи, јави дописничката на МИА од Атина.
Грчката полиција, минатиот четврток почна со интензивни контроли, а прекршоци биле регистрирани во однос на забраните, одлуките и ограничувањата што се однесуваат на фризерски салони, фурни, слаткарници, продавници за гардероба, кафулиња, ресторани, таверни, цвеќарници, спортски игралишта и сл.
Според податоците од грчката полиција, прекршувања имало во цела Грција, а најголем број од регистрираните се во областа Атика, поширокиот регион Атина (74).
Во текот на вчерашниот ден, за 17 прекршувања, биле уапсени 20 лица, а од грчката полиција велат дека „со несмален интензитет ќе продолжат со контролите со цел да се заштити јавното здравје“.
Ново на Сител
-
Тема на денот со Александар Даштевски, претседател на ДИК
-
БРАКО претстави ново електрично возило за чистење
-
ДИК потврди - Во среда ќе се прегласува на 7 избирачки места
-
ДУИ со предупредувања од Мала Речица
-
Мицотакис со нови закани кон идната Македонска Влада
-
Прва официјална посета на Силјановска Давкова ќе биде во Ватикан и Рим
-
9 месечно бебе донесено во итната помош без знаци на живот
-
Полициска службеничка мамела социјалци за станови