За три месеци во дел од Индија не е родено женско дете, покрената истрага за абортуси за полова селекција
Ниту едно од 216 деца кои се родени во 132 села во Индија во последните три месеци не е женско, покажуваат најновите владини податоци. Поради тоа во северниот дел на Индија покрената е истрага за извршување абортуси со цел избор на полот на детето.
Властите во државата Утаракханд соопштија дека официјалните податоци се алармантни и постои сомневање за широко распространет женски фетицид, пишува британски „Индепендент“.
Индија со закон ги забрани абортусите за полова селекција уште во 1994 година, но таа пракса е вообичаена во земјата во која родителите традиционално машките деца ги сметаат за „глава на семејството“, а женските за „скапа обврска“.
Судијата Ашиш Чаухан смета дека стапката на женски родени деца била сомнителна и дека станува збор за женски фетицид.
– Ова е проблем на индиското општество и ние треба сериозно да размислиме и да преземеме конкретни чекори со цел жените на подобар начин да се гледаат во општеството, се наведува во извештајот на индиската Влада.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот