Забава за лицата со Даунов синдром во Безистен

Со цел зголемување на свеста за лицата со Даунов синдром Центарот за младински активизам ЦМА КРИК вечер во Безистенот на Старата скопска чаршија организира забава, како дел од активностите во октомври - месец посветен на овие лица. 

На забавата ќе бидат прикажани едукативни видеа и ќе се одржат квизови. - Поканет е секој кој сака заедно со нас да го прослави месецот октомври, велат од Центарот кои во изминатиот период спроведоа низа активности и на социјалните медиуми. 

Даунов синдром е генетско нарушување. Менталниот развој кај лицата со Даунов може да биде од лесна до средна (умерена) попреченост. Малкумина од нив имаа тешка ментална попреченост. Застапеноста на Дауновиот синдром е 1 на 800 или 1.000 раѓања. Иако некои од физичките недостатоци не можат да бидат надминати, соодветната образование и грижа може да го подобри квалитетот на живот кај овие луѓе, така што овие лица уживаат во секојдневните активности исто како и сите останати. Тие уживаат да танцуваат, да се дружат, да пеат, да одат во училиште, соопштуваат од ЦМА КРИК.