Забрана за тешки товарни возила Маврово-Дебар,Гостивар-Маврово и Стража Кичево

 Сообраќајот на државните патишта се одвива по претежно влажни коловози, а од 18 часот забрана за тешки товарни возила се воведува на патните правци Маврово-Дебар и Гостивар- Маврово. 

Од 18:30 е воведена забрана за тешки товарни возила на патниот правец крак Стража-Кичево и обратно.

Врнежи од снег со слаб интензитет се бележат во Гостивар, Крушево, Попова Шапка и на планинските премини Маврово, Стража, Преска, Буково и Ѓавато.

АМСМ препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани - Македонска Каменица - Делчево, Виница - Берово, Гостивар - Стража, Маврово – Дебар - Струга, Демир Капија - Удово, Катланово - Велес, Крушево - Демир Хисар и Ресен - Буково.

Интензитетот на сообраќајот на патните правци надвор од градските средини е умерен. На граничните премини нема подолги задржувања за влез и за излез од државата. 

На патниот правец А2 Струга - г. п. Ќафасан, од бензинска пумпа КМР до м.в. Добра Вода-с.Франгово (во должина од три километри) се препорачува исклучително внимателно управување со возилата поради дупки на коловозот. На самото место поставена е соодветна патна сигнализација и ограничување на брзината од 30 км/час.