Заев и Димитров на средба со експерти од групата БИЕПАГ
Премиерот Зоран Заев и министерот за надворешни работи Никола Димитров денеска присуствуваа на работен ручек во однос на евроатланските процеси на Македонија и Балканот со странски експерти кои се дел од Balkans in Europe policy advisory group (BIEPAG), Хедвиг Морвај, директор на Европскиот фонд за Балканот и Флоријан Бибер директор на Центарот за југоисточни европски студии на Универзитетот во Грац.
На средбата, како што се наведува во соопштението од Владата, присуствуваа и домашни експерти, поранешните амбасадори и универзитетски професори Блерим Река и Ѓорѓи Спасов.
- Заеднички беше оценето дека Република Македонија има направено значаен исчекор во спроведување на демократските реформи и во забрзувањето на евро-атланските интеграции и беше заклучено дека од исклучителна важност е да продолжат реформите и Македонија да има јасни перспективи и напредок во однос на членството на земјата во ЕУ и НАТО во 2018 година, стои во соопштението.
Експертите потенцирале дека тоа е исклучително важно за зајакнување на стабилноста, напредокот и интеграцијата на целиот Западен Балкан во Европската Унија и НАТО.
Ново на Сител
-
Армиски хеликоптер ќе се вклучи во гаснењето на пожарот во неготинско
-
Давкова: Да се покрене дискусија за отслужување воен рок врз доброволна основа
-
Се укинува Агенцијата за енергетика
-
Малолетничка заврши во болница со фактура на носната коска по пад од мотор
-
СДСМ со реакција дека Мицкоски ја криел средбата со Главчев
-
Мицкоски на вечера во Белата куќа приредена од претседателот Бајден
-
Активирање на резервниот состав на пожарникари на општина Неготино
-
ЈП Водовод и канализација - Скопје: Отплата на долгови без пресметка на камата до 31 јули