Заев: Платите и пензиите пораснаа и ќе растат
Платите пораснаа за над 6.000 денари, и просечната и минималната, за три пати повеќе отколку во времето на ВМРО-ДПМНЕ. И ќе растат. За три месеци – минималната плата ќе биде 18.000 денари, а просечната над 30.000 денари. Платите, пензиите и поддршката од државата и натаму ќе растат, ќе бидат поголеми од потребните трошоци за живот, истакна претседателот на Социјалдемократскиот сојуз на Македонија, Зоран Заев.
На граѓанската трибина „Најдоброто за мојата општина” која се одржа вечерва во Бутел, Заев порача дека македонската економија е стабилна и дека државата е тука и за општините и за секој човек и истакна и дека инвестициите од централната власт стратешки ќе се употребат за нови работни места и за повисоки плати за секого.
– Обезбедуваме рамномерен развој во сите региони со планска распределба на централните инвестиции. Ќе го поддржиме развојот на малите бизниси, посебно на дефицитарните бизниси во општините, за да се развиваат и да ги има во поголем број – тоа е нашата мисија, истакна тој.
Дополни дека инвестираат во сите региони, без никаква дискриминација.
– Тоа се гледа и тука во Бутел каде се инвестираше во бројни проекти кои го унапредуваат квалитетот на живот во секое населено место во оваа општина. Седумстотини илјади евра вложивме во развој на патната инфраструктура овде во Бутел. Во индустриската зона Визбегово поставивме водоводна и канализациска мрежа, посочи тој.
Заев им порача на граѓаните дека за ова да продолжи потребно е на 17-ти октомври да се даде поддршка на овие проекти и да се одбере „Најдоброто“ за Бутел, а, како што кажа, најдоброто го носи политичката програма на Велимир Симовски.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп