Заев: При крај разговорите со коалициските партнери за испразнетите ресори
Коалициските партнери во Владата ги завршуваат разговорите за пополнување на испразнетите ресори. Премиерот Зоран Заев попладневно најави дека во прашање се денови кога би се објавило името кој ќе го пополни испразнетото место на министерот за здравство.
- Граѓаните го очекуваат новиот министер за здравство. Ние сме на крај на разговорите со коалициските партнери, а се надевам само денови се во прашање да го објавиме и министерот, но и да ги пополниме другите испразнети места, заменик министер и министер без ресор и да ги комплетираме раководните структури на извршната власт, рече премиерот Заев, одговорајќи на новинарски прашања пред почетокот на неформалниот состанок на претставници на царински управи од Западен Балкан во Скопје.
Заев додаде дека е важно истовремено да бидат пополнети и местата во институциите за кои се објавени јавни конкурси.
- Апелирам до граѓаните кои навистина ги исполнуваат условите да конкурираат на самите конкурси. Досега имаше за еден дел в.д. решенија, еден дел не беа ниту променети, мандатите истекуваат и согласно правилата, согласно законите во Македонија, согласно критериуми, нормативи и принципи сакаме да ги поставиме новите менаџменти на многу значајни институции за коишто веќе почнаа огласите да бидат во тек, изјави Заев.
Ново на Сител
-
САД ќе продолжат да се ангажираат за прашања од заеднички интерес
-
Може ли за неколку месеци да се стане АИ експерт? | Growth Labs Academy | Sitel Podcast 050
-
Полицијата презема мерки за пронаоѓање шест лица - работници од Непал
-
Избувна пожар во светиниколско: Изгоре штала, две грла добиток, млин, сточна храна
-
Во Струмица oбид за киднапирање на тригодишно дете, полицијата испитува дали се работи за кривично дело
-
Мицкоски за можна средба со Мицотакис во Вашингтон: Се надевам дека ќе го задржиме достоинството и дека ќе разговараме како партнери и добри соседи
-
Путин очекува Орбан да зборува од името на Европа за Украина
-
НАТО на самитот во Вашингтон ќе бара стандардизација на артилериската муниција