Заев: Во заедништвото и дарувањето безусловна љубов е нашата заедничка сила
Денешниот ден, кога го славиме Христовото раѓање и победата на доброто над злото е симбол на заедништвото и значењето на одржувањето на семејната хармонија и безусловна љубов. Овие празнични денови нека ви бидат исполнети со добро здравје и духовен мир, водени од надежта дека Бог е со нас и славејќи ја радосната вест за неговото раѓање, напиша премиерот Зоран Заев во честитка по повод празникот Рождество Христово – Божик.
Во честитката до поглаварот на Македонската православна црква – Охридска архиепископија, г.г. Стефан, претставниците на Синодот, свештениците, монасите и до сите граѓани, Заев вели дека светлината на раѓањето на Господ Исус Христос ја пренесува до нашите срца пораката за почитување на ближниот, за солидарност, правење добри дела и помагање на секој човек.
– Токму во заедништвото и дарувањето безусловна љубов е нашата заедничка сила, нашата надеж дека создаваме благосостојба, сигурност и единство за секого подеднакво.
Со пораката „Христос се роди!“, да продолжиме да ги негуваме заедничките вредности, да си посакаме мир, спокој и радост во срцата, да празнуваме заедно со најблиските. Честит Божик!, напиша премиерот во честитката.
Ново на Сител
-
Сквернавење на гробишта
-
Мицкоски: Народот е желен за правда, затоа може да протестира против Судски
-
Уставен спремен за подготвителната седница – домашни и странски експерти ќе дадат оценка за Законот за јазици
-
Бугарија испрати политичка порака деке не е заинтересирана за железничко поврзување со Македонија
-
Политичкиот притисок врз ССМ ќе се одрази во извештајот за напредокот на Македонија
-
Вработените во пошта се уште немаат земено плати
-
Мега инвестиција најави премиерот
-
Unbox your box – нова перспектива во доставата на пратки во Македонија