Заев: Заложбата на ЦЕИ, проширувањето на ЕУ да биде високо на агендата важно за земјата и регионот
Во духот на солидарноста и регионалната соработка, членките на Централно европската иницијатива (ЦЕИ), од кои голем дел се и земји членки на ЕУ се двигатели на процесот на целосна интеграција на Западен Балкан во Унијата и видливоста на оваа заложба е високо на агендата на ЕУ по октомврискиот Самит на Европскиот совет е големо охрабрување за нас и се надевам дека овие напори ќе дадат резултати.
Ова го истакна премиерот Зоран Заев во своето обраќање на Самитот на ЦЕИ, што се одржува денеска во Рим.
– Огромно е мнозинството на оние кои се уверени дека нашата земја требаше да ги започне преговорите со ЕУ како признание за вложените напори и постигнатите резултати во реформите и како потврда за правилниот избор направен со договорот од Преспа. Идејата за нова методологија за проширување на ЕУ е оправдана само доколку процесот стане поефективен, поверодостоен и ако произведува повеќе материјални придобивки за земјите кандидатки за членство во Унијата. Затоа ние апелираме за брз консензус меѓу земјите членки на ЕУ за принципите и елементите на новата методологија, што ќе отвори начин и за усвојување на одлука за почеток на пристапните преговори за Македонија, нагласи премиерот
Тој додаде дека нашиот приоритет останува да ги започнеме преговорите за пристапување што е можно поскоро. Нагласи дека донесувањето на одлука до март ќе создаде многу поволна динамика во земјата.
Премиерот потенцираше дека на Западен Балкан му е потребна јасна и видлива перспектива за пристапување кон ЕУ за да го консолидира напредокот, да се обезбеди безбедност и да се постигне натамошен развој.
ЦЕИ оваа година ја одбележува 30-годишнината од формирањето и ја потврди потребата за поголема регионална соработка која се збогати со бројни формати и иницијативи како што се Процесот за соработка на земјите од југоисточна Европа, преку Советот за регионална соработка, Берлинскиот процес, Јадранско-јонската иницијатива и многу други.
– Оваа година, кога ЦЕИ слави 30-годишнина, Македонија стана 30-та членка на НАТО, достигнување кое е овозможено заради реалната посветеност за подобрување на добрососедските односи, инвестиции во градење вистински партнерства и доверба. Се надеваме дека во многу блиска иднина ЕУ ќе одлучи да започне преговори за пристапување врз основа на испорачаните резултати што ги направи нашата земја, рече премиерот Заев во своето обраќање на Самитот на ЦЕИ во Рим.
Тој изрази уверување дека во наредниот период ЦЕИ ќе продолжи да се надградува со нови и подлабоки форми на соработка меѓу земјите членки во различни области.
Ново на Сител
-
Утре литургија во соборниот храм ,,Св. Климент Охридски” по повод 25 годишнината од востоличувањето на г.г. Стефан
-
Најмногу дожд наврнат во Пожаране и Лазарополе
-
ЦУК: 2 028 повици изминатото деноноќие, три пожари на отворено
-
Приоритет на Владата е поддршка на македонското земјоделство: Историски највисока цена за грозјето, исплатени заостанати плати и субвенции
-
Поради сообраќајка во прекин сообраќајот на патот Струмица - Валандово
-
Во БиХ продолжува потрагата по исчезнатите во поплавите и свлечиштата во Јабланица, досега најмалку 20 загинати
-
ЈСП: Бесплатен јавен превоз за „Бела ноќ“, изменет сообраќаен режим за Скопски маратон
-
ИДФ се обидува да влезе во јужниот либански град Одаисеј, експлозии и во Бејрут