Загреб: Киоск стар над 100 години ќе биде пренаменет во галерија

Музејот на градот Загреб презеде киоск стар над 100 години со цел да го реновира, ревитализира и пренамени во мала галерија, објави порталот „Индекс“.

„Урбаната опрема е дел од животот на секој град, но премногу често се заборава кога се планира ревитализација на наследството. Меѓутоа, одвреме-навреме, сосем случајно, некое навидум мало наследство добива големо значење… Месната заедница има право да одлучува за наследството на својот град, поради што Градскиот музеј си постави задача да го ревитализира киоскот“, соопшти Музејот во главниот град на Хрватска.

По реновирањето, трафиката ќе служи како место за помали изложби и настани, но Музејот објави и покана до сите граѓани да предложат што би сакале да видат на ова „култно место“.