Захарова: Решението за спорот за името треба да е прифатливо и за двете страни
Спорното прашање за името на Македонија треба да се реши на начин прифатлив како за Скопје, така и за Атина, изјави денеска портпаролката на Министерството за надворешни работи на Русија, Марија Захарова. На брифинг за новинарите во Москва, таа повторно обвини за мешање на западните земји во решавањето на спорот, како што наведе, со единствена цел да го внесат Скопје во НАТО.
– Министерството за надворешни работи на Русија постојано зборуваше за Преспанскиот договор, релевантните коментари можат да се најдат на веб-страницата на Министерството. Како што е познато, Русија ја призна Република Македонија под нејзиното уставно име. Москва отсекогаш се залагаше и продолжува да се залага прашањето за името на оваа држава да се реши на прифатлив начин за Скопје и за Атина, рече Захарова одговорајќи на прашањето дали Русија ќе го признае името „Република Северна Македонија” и дали ќе има дискусија за ова прашање во Советот за безбедност на ОН.
Захарова кажа дека во процесот на одобрување на Договорот од Преспа, се направени „сериозни прекршувања на домашното законодавство во една од страните, како и на меѓународните правни норми, со силен надворешен притисок“.
– Веруваме дека никој не треба да се сомнева оти западните земји се водени од геополитичките интереси за приемот на Скопје во НАТО, а не со желба да помогнат во решавањето на овој, всушност, билатерален спор, рече Захарова.
Ново на Сител
-
Одбележување на Денот на македонските пожарникари - 20 Мај
-
Во Мексико девет лица загинаа во два напада врз кандидати за локалните избори
-
Ирански државни медиуми: Претседателот Раиси загина во хеликоптерска несреќа
-
Сообраќајот на државните патишта се одвива непречено
-
Променливо облачно со повремен дожд, попладне услови за краткотрајно невреме
-
Манчестер Сити четврти пат по ред шампион на Англија
-
За личниот живот и 30 годишната кариера со Суперхикс | Петар Младеновски | Sitel Podcast 038
-
Се урна хеликоптерот во кој патуваше претседателот на Иран