-->
-->
Заигра „метлата“ во Хрватска, сменети Бабиќ и Балиќ
-->
Управниот одбор на Хрватскиот ракометен сојуз, на вонредната седница, им врачи откази на селекторот Жељко Бабиќ, неговиот помошник Петар Метличиќ и координаторот Ивано Балиќ.
По шокот кој го доживеаја на Светското првенство Хрватите на седницата на Управниот одбор, на која имаше само една точка, решија да ги сменат Бабиќ, Метличиќ и Балиќ.
„Состанокот траеше речиси два часа. Не погрешивме што на Бабиќ му пруживме втора шанса. Но она што се случуваше не ги задоволи нашите амбиции. Причината за смените не лежи во тоа што не победивме во полуфиналето, туку затоа што не сме задоволни како беше водена репрезентацијата“, рекол првиот човек на Хрватскиот ракометен сојуз.
Бабиќ по ОИ во Рио де Жанеиро, на кои Хрватска испадна во четвртфиналето, поднесе оставка на функцијата, која Управниот одбор не ја прифати.
Хрватска на СП кое заврши во неделата, во петокот и саботата, доживеа два тешки и шокантни порази. Најпрвин во полуфиналето, загуби од Норвешка, иако во 60 минута имаше седмерец за победа, а потоа во борбата за третото место во последните 20 минути испушти предност од осум голови против Словенија.
На состанокот била оформена комисија која во наредните 30 дена треба да реши кој ќе биде новиот селектор.
Околу новиот селектор хрватските медиуми шпекулираат со имињата на Лино Червар, Веселин Вујовиќ и Славко Голужа.
-->
-->
-->
Ново на Сител
-
Активни се 9 пожари – гасењето е од земја и од воздух стигна помош од Турција
-
Берово и Штип дел од проектот „Зелена образовна транзиција“
-
Четворицата тинејџери во стабилна состојба - сопственикот на куќата во притвор
-
Тема на денот со Методи Хаџијанев, професор по безбедност
-
Галичка свадба
-
Синдикатот на Клинички со поддршка - Медицинската сестра од Детска утре пред Комисија
-
Неуспешен обид за атентат врз Трамп
-
Македонскиот државен врв со осуда за обидот за атентат врз Трамп