Заменик министерот Павлески и градоначалниците на Велес и Гази Баба на конференција во Тел Авив
На покана на Федерацијата на локалните власти на Израел, заменикот министер за локална самоуправа,Дејан Павлески и градоначалниците на општините Велес и Гази Баба, Аце Коцевски и Борис Георгиевски, ќе учествуваат на меѓународната конференција за општински иновации, MUNIWORLD 2019, што од денеска до 28 февруари ќе се одржи во Тел Авив.
Во рамки на Конференцијата, ќе се одржи и MUNIEXPO 2019, најголемиот годишен настан во организација на Федерацијата на локалните власти на Израел, на кој ќе присуствуваат над 200 градоначалници, како и министри, претставници од научни институции и од бизнис секторот од Израел, како и од многу други земји од целиот свет.
Конференцијата е посветена на урбаните иновации и паметни градови и е можност за вмрежување и соработка на властите, одговорни за локалната самоуправа.
Годинава, главна тема на конференцијата е урбаната безбедност, а учесниците ќе имаат можност и директно да се запознаат со иновативни системи во израелски општини.
Ново на Сител
-
Ким Џонг-ун надгледуваше пробно истрелување ракети
-
Учениците од понеделник на пролетен распуст, наставата ќе продолжи на 7 мај
-
СПМ: Вториот круг претседателски избори ќе базира на резултатите од првиот
-
Мицотакис: Грција нема да испрати во Украина системи С-300, ниту „Патриот“
-
Столтенберг: Украина и натаму може да ја добие војната против Русија
-
Најстудено во Лазарополе, најтопло во Дојран
-
Течат роковите за приговори до ДИК, партиите продолжуваат со изборните активности
-
ЦУК: 1.694 повици на 112 во последното деноноќие